Рейтинг книги:
5 из 10

Домострой

Народное творчесто

Уважаемый читатель, в нашей электронной библиотеке вы можете бесплатно скачать книгу «Домострой» автора Народное творчесто в форматах fb2, epub, mobi, html, txt. На нашем портале есть мобильная версия сайта с удобным электронным интерфейсом для телефонов и устройств на Android, iOS: iPhone, iPad, а также форматы для Kindle. Мы создали систему закладок, читая книгу онлайн «Домострой», текущая страница сохраняется автоматически. Читайте с удовольствием, а обо всем остальном позаботились мы!
Домострой

Поделиться книгой

Описание книги

Серия:
Страниц: 3
Год:

Содержание

Отрывок из книги

ГЛАВА 8[1] КАКО ВРАЧЕВАТИСЯ ХРИСТИАНОМ ОТ БОЛЕЗНЕЙ И ОТ ВСЯКИХ СКОРБЕЙ[2], ЦАРЕМ И КНЯЗЕМ И ВСЯКИМ ЧИНОВНИКОМ, И СВЯТИТЕЛЬСКОМУ ЧИНУ, И СВЯЩЕННИЧЕСКОМУ И МНИШЕСКОМУ, И ВСЕМ ХРИСТИЯНОМ Аще Бог пошлет на кого болезнь или какую скорбь ино врачеватися Божьею милостью, да слезами и молитвою, и постом, и милостынею к нищим, да истинным покаянием; да благодарение и пощение и милосердие и нелицемерную любовь ко всякому; аще кого чем преобидел отдати сугубо и впредь не обидети; да отцев духовных и всяк священнический чин и мнишеский подвизати на моление к Богу; и молебны пети и вода святити честным и животворящим крестом[3] и со святых мощей и чюдотворных образов; и маслом святитися, да по чюдотворным по святым местом обещеватися, и, приходяще молитися со всякою чистою совестию; тем целба всяким различным недугом от Бога получити, да от всяких грехов удалятися, и впредь никакова зла не творити: и отцев духовных заповеди хранити и епитемии исправляти, тем очиститися от греха, и душевная и телесная болезнь исцеляти, и к Богу молитва сотворити[4]. Всякому христианину целити себя от всяких различных недугов душевных и телесных, и душетленных, и болезненных страстей; – жити по заповеди Господни, и по отеческому преданию и по христианскому закону; якож в начале писано книги сея от первая главы вся пятьнадесять глав и прочая главы книги сея також[5] прочести, и внимати, и творити достоит. Ино Богу угодит, и душу спасет, и греха избудет и здравие получит душевное и телесное, и вечных благ наследних будет. А кто безстрашен и безвинен[6] страха Божия не имеет, и воли Божии не творит, и закона християнскаго и отческаго предания не хранит, о церкви Божии, и о церковном пении и о келейном правиле, и о молитве и о всяком славословии Божии не радит, яст[7] и пиет без воздержания, и во обядение и пьянство, и не в подобно время, и законнаго жительства не хранит; недели воскресения Христова и среды и пятка и праздников не почитает и великаго поста и Богородична непостится; без воздержания блудит, и не в подобно время, и чрез естество, и чрез закон, или от жен своих блудят, или содомский грех содевают, и всякое скаредие творят, и всякия богомерзския дела: блуд, нечистоту, сквернословие, срамословие, песни бесовския, плясание, скакание, гудение, трубы, бубны, сопели, и медведи и птицы и собаки ловчия, творяще конское уристание, всякое бесовское угодие и всяко безчиние и безстрашие; к семуж чарование и волхвование, и наузи, и звездочетие, рафли, алманахи, чернокнижие, воронограи[8], шестокрыл, стрелки громныя[9], топорки, усовники, два камение[10], кости волшебныя; и иныя всякия козни волшебныя бесовския; или кто чародейством, и зелием, и корением, и травами на смерть, или на потворство окормляет, или бесовскими словами и мечтами и кудесом чарует на всякое зло и на прелюбодейство; или клянется именем Божьим во лжу, или клевещет на друга, також прочести и двадесять шестую[11] главу. В тех во всех делех, и во обычаех, и нравех востает в человецех гордость, ненависть, злопомнение, гнев, вражда, обида, лжа, татба, клятва, срамословие[12], чарование, и волхвование, смех, кощуны, обядение, пьянство безвременное рано и поздно и всякая злая дела, и всякий блуд и всякая нечистота. И благий человеколюбец Бог, не терпя в человецех таких злых нравов и обычаев, и всяких неподобных дел, яко же чадолюбивый отец скорбми и бедами спасает, и ко спасению приводит; показуя[13] наказует[14] за премногия грехи наша, смерти же не придает, не хощет смерти грешником, но ожидает покаяния, еже обратитися и живу быти ему. Аще не обратятся и не покаются от злых дел, наводит на нас, грех ради наших: овогда мором, овогда гладом, овогда пожар, овогда потоп, овогда пленение и посечение от поганых, и градов разорение и церквам Божьим и всякой святыни потребление, и всякому стяжению расхищение и от другов оклеветание, овогда от царьскаго гнева разграбление имению и самому казнь без милости и паличная[15]смерть, и от разбойников[16] убийство и грабеж, и от татей окрадение, и от судей продажа и мучение, ово бездождие, ово безвременный дождь[17], и нестройны лета, и неугодна зяма, и лютые мразы, и земли безплодие, и всякому скоту животному падеж, и зверем, и птицам, и рыбам и всякому обилию скудость; родителем, жене и чадом нужными и напрасными и скорыми смертьми лишение; от многоразличных и нужных и тяжких недуг страдание[18]. Многи[19] убо праведницы истинно Богу работают, по заповедем Господним живут межу нами грешными; но на сем свете равно со грешники казнима суть от Бога, да светлейших венцов от Бога сподобятся, нам же грешным на большее мучение, яко праведницы казними быша всякими скорбьми за наше беззаконие[20] и о всех сих настоящих бедах не уцеломудримся и не накажемся в покояние, и в чювство, и в страх Божий не внидем, видя таковаго праведнаго гнева Божия наказания за премногия грехы наша. И паки Господь, наказуя ны, и обращая к покаянию, яко же праведнаго и долготерпеливаго Иова искушая, посылая различныя скорби, и болезни, и тяжкия недуги от духов лукавых мучими, телу согнитие, костем ламота, оток и опухоль на все уды, проходом обоим заклад, и камень в удах[21], и кила и тайным удом согнитие и отоки[22] и глухота, и слепота, и немота; во утробе терзание и блевание злое; и на низ во оба прохода и кровь и гной, сухотная, и кашель и главоболие[23] и зубная болезнь, и грыжа, и усови, и камчюг и френьчюг, и разслабление и трясение[24], и желви, и железы, и шелуди, и горбы, и глава, и щеки, и руки и ноги закорчены, и очи искривлены[25] и всякие тяжкие различные недуги наказание гнева Божия. И сия вся презрехом и в покояние не внидохом; ничто же не уцеломудри нас и не устраши нас, и накажемся о сем, видя Божье наказание на себе и болезни тяжкие, за премногия грехи наша. Оставя Бога создавшаго ны, и милости, и прощения грехов от него не требуя, еже зле содеяхом, и приступихом к нечистым бесом от них же отрекохомся во святом крещении, и всех дел его и призываем к себе чародеев, и кудесников, и волхвов и всяких кудесников[26] и зелейников и с корением: от них же чаем душетленныя помощи, временныя и готоваем[27] себя диаволу во дно адова во веки мучитися. О безумнии человеци! Оле неразумия вашего! не разсуждаем своих грехов за что ны Бог наказует и казнит и не каемся о них, и не престаем от злоб и от всяких неподобных дел; не помышляем вечнаго, но желаем тленного и временного. Молю, и паки молю престаните от злоб и от всяких душетленных дел и очистим себя истинным покаянием, яко да милостив Господь помилует от грех и подаст телесам здравие и душам спасение и вечных благ не лишит. Аще кто и потрудится в сем веце со благодарением в различных болезнех и во всяких скорбех за очищение грехов своих, царства ради небеснаго, не токмо грехов свободу улучит, но и вечных благ наследник будет. Написано[28] бо есть во святом Апостоле: многими скорбми подобает нам внити в царство небесное и во святом Евангелии речено бысть: узкий и прискорбный путь, вводя в живот, а широкий вводя в пагубу и паки рече Господь: нужно есть царство небесное и нужницы восхищают е[29].

Популярные книги

arrow_back_ios